اسرائیل آخر تک جنگ جاری رکھے گا، نیتن یاہو

اسرائیلی وزیر اعظم نے کہا ہے کہ بین الاقوامی دباؤ کے باوجود اسرائیل آخر تک جنگ جاری رکھے گا۔

اپنے بیان میں انہوں نے کہا کہ ہمیں کوئی چیز نہیں روک سکتی، فتح کے حصول تک جنگ جاری رہے گی۔ 

قبل ازیں اسرائیلی وزیر خارجہ Eli Cohen کا کہنا تھا کہ حماس کے ساتھ جنگ عالمی حمایت کے ساتھ یا اس کے بغیر جاری رہے گی۔ 

مقبوضہ مغربی کنارے میں بھی اسرائیلی فوج نے جنین کیمپ کا محاصرہ کر لیا، 3 گھروں کو بموں سے اُڑا دیا، 7 فلسطینی شہید کردیے، کئی عمارتیں گرا دیں۔

انہوں نے کہا کہ اس مرحلے پر جنگ بندی حماس کے لیے تحفہ ہوگی۔

واضح رہے کہ اقوام متحدہ کی جنرل اسمبلی میں بھی جنگ بندی کی قرارداد بھاری اکثریت سے منظور کی گئی تھی۔

بشکریہ جنگ