اسرائیلی پولیس کی 30 اہلکاروں کی ہلاکت کی تصدیق
اسرائیلی پولیس نے حماس سے لڑائی میں اپنے 30 اہلکاروں کی ہلاکت کی تصدیق کر دی۔
اسرائیلی پولیس کی جانب سے کہا گیا ہے کہ حماس سے پہلے دن کی لڑائی میں 30 اسرائیلی پولیس اہل کار مارے گئے۔
دوسری جانب اسرائیلی فوج نے غزہ پر مکمل قبضہ کرنے کی دھمکی بھی دے دی ہے۔
اسرائیلی فوج کے ترجمان نے دھمکی دی ہے کہ غزہ پر مکمل قبضہ کریں گے اور اعلان کیا ہے کہ اگلے 12 گھنٹے میں غزہ انکلیو ختم کر دیں گے۔
یاد رہے کہ گزشتہ روز حماس نے جوابی ایکشن کرتے ہوئے عرب اسرائیلی جنگ کی پچاسویں سالگرہ پر علی الصبح پہلی بار غزہ سے بیک وقت بری، بحری اور فضائی کارروائی کی تھی۔
حماس نے اسرائیل کے جنوبی شہروں میں فوجی اڈوں اور عسکری تنصیبات کو نشانہ بنایا تھا جس میں فوجیوں سمیت 500 سے زائد اسرائیلی ہلاک اور 1 ہزار سے زائد زخمی ہوئے ہیں۔
رپورٹس کے مطابق ’آپریشن الاقصیٰ طوفان‘ کے تحت فلسطینی مجاہدین کی بڑی تعداد غزہ کی سرحد پر موجود باڑ ہٹاتے ہوئے زمینی راستے سے اسرائیل کے شہر اشکلون سمیت جنوبی شہروں میں داخل ہوئی جبکہ سمندری راستے اور پیراگلائیڈرز کی مدد سے بھی متعدد حماس ارکان نے حملہ کیا۔
Comments are closed.