اسرائیلی صدر کی فلسطینی ہم منصب کوعیدالاضحیٰ کی پیشگی مبارکباد

اسرائیل کے صدر آئیزیک ہرزوگ نے اپنے فلسطینی ہم منصب محمود عباس کو ٹیلیفون کرکے عیدالاضحیٰ کی پیشگی مبارک باد دی۔

سرکاری بیان کے مطابق صدر آئیزیک نے محمود عباس، ان کے اہلخانہ، فلسطینی عوام اور خطے بھر کے لوگوں کو عیدالاضحیٰ کی مبارک باد دی۔

اسرائیلی صدر نے دہشتگرد حملوں میں معصوم فلسطینیوں کے نقصان کی شدید مذمت کی۔

ان کا کہنا تھا کہ ہمیں دہشتگردی کو جڑ سے اکھاڑ پھینکنے کیلئے سخت اقدامات کرنے کی ضرورت ہے۔

فون کال کے دوران اسرائیلی صدر نے دہشتگردی، نفرت اور اشتعال انگیزی کے خلاف فیصلہ کن جنگ کی اہمیت پر زور دیا۔

بشکریہ جنگ