اسد قیصر کا عمران خان کی گرفتاری پر ملک جام کرنے کا اعلان

سابق اسپیکر قومی اسمبلی اور تحریک انصاف کے مرکزی رہنما اسد قیصر نے اعلان کیا کہ عمران خان کو گرفتار کیا گیا تو پورا ملک جام کردیں گے۔

ایک بیان میں اسد قیصر نے کہا کہ چیئرمین عمران خان کو امپورٹڈ حکومت کی جانب سے گرفتارکرنے کی کوشش کی جارہی ہے۔

پاکستان تحریک انصاف (پی ٹی آئی) نے پارٹی چیئرمین عمران خان کی حفاظتی ضمانت کےلیے لاہور ہائیکورٹ سے رجوع کرلیا۔

انہوں نے کہا کہ کارکن تیار رہیں، اگر عمران خان کو گرفتار کیا گیا تو پورے ملک کو جام کردیں گے۔

اسد قیصر نے مزید کہا کہ عمران خان نے گزشتہ روز گفتگو میں قومی یکجہتی کا پیغام اور مسائل کے حل کا روڈ میپ دیا۔

ان کا کہنا تھا کہ امپورٹڈ حکومت بہتری کی بجائے اپنی ضد اور انا سے باہر نہیں نکل پارہی ہے۔

پاکستان تحریک انصاف (پی ٹی آئی) کے مشتعل کارکنوں نے ایس ایس پی اسلام آباد طاہر حسین کو گھیرلیا ہے۔

سابق اسپیکر قومی اسمبلی نے یہ بھی کہا کہ امپورٹڈ سرکار کو انتخابات میں یقینی شکست کا علم ہے، اسی لیے ناجائزحربے استعمال کر رہی ہے۔

انہوں نے کہا کہ ملک میں کسی قسم کے نقصان کی پوری ذمہ داری شہباز شریف اور حکومت پر ہوگی۔

بشکریہ جنگ