اسد عمر اور علی اعوان کب گرفتاریاں دیں گے؟

پاکستان تحریک انصاف (پی ٹی آئی) کے رہنما علی نواز اعوان کا کہنا ہے کہ پی ٹی آئی اسلام آباد کے ارکان اگلے ہفتے گرفتاریاں پیش کریں گے۔

علی نواز اعوان کی زیر صدارت پی ٹی آئی اسلام آباد ریجن کی ایڈوائزری کونسل کا اجلاس ہوا۔

اجلاس میں گفتگو کرتے ہوئے علی نواز اعوان نے کہا کہ اسلام آباد میں جیل بھرو تحریک کی رجسٹریشن کا آغاز کر دیا ہے۔

پاکستان تحریک انصاف کے مرکزی رہنما اور سابق وزیر دفاع پرویز خٹک نے کہا ہے کہ اتنی گرفتاریاں دیں گے جیلوں میں جگہ کم پڑجائے گی۔

انہوں نے کہا کہ ہم پاکستان کے مستقبل کی جدوجہد کر رہے ہیں۔

دوسری جانب پی ٹی آئی اسلام آباد کے ترجمان کا کہنا ہے کہ اسد عمر، علی اعوان، راجہ خرم نواز سمیت سیکڑوں ارکان گرفتاریاں دیں گے۔

بشکریہ جنگ