اسحاق ڈار کو طاقتور لوگ پاکستان لائے ہیں، وہ ڈیل کے بغیر نہیں آسکتا تھا، عمران خان

اسلام آباد: چیئرمین تحریک انصاف عمران خان نے کہا ہے کہ اسحاق ڈار کو طاقتور لوگ پاکستان لائے ہیں، وہ ڈیل کے بغیر نہیں آسکتا تھا، اسحاق  ڈار کو یقین دلایاگیا کہ تمہیں کچھ نہیں ہوگا۔

جلسے سے خطاب عمران خان نے کہا کہ اسحاق ڈار نواز شریف سے بھی زیادہ بزدل آدمی ہے، نواز شریف بزدل آدمی ہے جوملک سے  باہر بھاگ گیا ہے، مریم کو درست  رپورٹنگ کرنے پر شاباش دیتاہوں۔

چیئرمین پی ٹی آئی کا کہنا تھا کہ حکمرانوں نےکرپشن کے کیسز معاف  کرائے اور مہنگائی میں اضافہ کیا، حکومت دھمکیاں دینے کے بجائے جیل میں ڈال دے میں اور قوم تیار ہے۔

انہوں نے مزید کہا کہ پاکستان کی معیشت  ہر روز نیچے جارہی ہے،پاکستان کا تنخوادار طبقہ مہنگائی کی وجہ سے پریشان ہے، پاکستان میں اس وقت سب سے زیادہ مہنگائی ہے۔