ارشد ندیم کو 20 لاکھ روپے نقد انعام سے نوازا گیا

کامن ویلتھ اور اسلامی یکجہتی گیمز کے گولڈ میڈلسٹ ایتھلیٹ ارشد ندیم کو 20 لاکھ روپے نقد انعام سے نوازا گیا۔

کامن ویلتھ گیمز میں 90 اعشاریہ 18 میٹر جیولین تھرو کر کے نیا ریکارڈ قائم کرنے والے ارشد ندیم کے اعزاز میں لاہور میں تقریب کا اہتمام کیا گیا۔

تقریب سے خطاب میں ارشد ندیم نے کہا کہ گولڈ میڈل حاصل کرنے پر اللّٰہ تعالیٰ کا شکر گزار ہوں۔

انہوں نے مزید کہا کہ عوام کی دعاؤں سے گولڈ میڈل جیتنا نصیب ہوا، دعائیں دینے پر پوری قوم کا شکر گزار ہوں۔

اس موقع پر ن لیگی رہنما خواجہ احمد حسان نے ارشد ندیم کو 20 لاکھ روپے نقد انعام سے نوازا، تقریب میں ایتھلیٹکس فیڈریشن کے صدر اکرم ساہی بھی موجود تھے۔

بشکریہ جنگ