بدھ14؍شوال المکرم 1442ھ26؍مئی 2021ء

ارشد ندیم کو شنیرا اکرم کی شاباش

سابق لیجنڈری کرکٹر وسیم اکرم کی اہلیہ و سماجی کارکن شنیرا اکرم نے  کامن ویلتھ گیمز میں گولڈ میڈل جیتنے پر ارشد ندیم کو مبارک باد پیش کی ہے۔

مائیکرو بلاگنگ سائٹ ٹوئٹر پر جاری کیے گئے پیغام میں انہوں نے کہا ہے کہ ارشد ندیم کی ناقابلِ یقین کاوش نے پاکستان کے لیے گولڈ میڈل جیتا ہے۔

شنیرا اکرم نے مزید کہا ہے کہ یہ ناصرف گولڈ میڈل ہے بلکہ ایک نیا ریکارڈ ہے۔

اُنہوں نے ارشد ندیم سے مخاطب ہو کر یہ بھی کہا ہے کہ زبردست! بہت بہت مبارک ہو۔

وزیرِ اعلیٰ پنجاب چوہدری پرویز الہٰی نے کامن ویلتھ گیمز میں گولڈ میڈل جیتنے پر ارشد ندیم کو مبارک باد پیش کی ہے۔

واضح رہے کہ پاکستان کا سر فخر سے بلند کرنے والے ایتھلیٹ ارشد ندیم نے جویلین تھرو (نیزہ بازی) میں 90.18 میٹر کی ریکارڈ تھرو کر کے گولڈ میڈل اپنے نام کر لیا ہے۔

1966ء کے بعد کسی پاکستانی ایتھلیٹ نے کامن ویلتھ گیمز میں گولڈ میڈل جیتا ہے۔

بشکریہ جنگ
You might also like

Comments are closed.