ارشد شریف قتل: اسپیشل جے آئی ٹی پاکستان واپس پہنچ گئی

صحافی ارشد شریف کے قتل کیس کی تحقیقات کرنے والی جے آئی ٹی پاکستان واپس پہنچ گئی۔

ذرائع نے بتایا ہے کہ جے آئی ٹی 12 جنوری کو دبئی گئی تھی، وہاں ایک ہفتے انکوائری کے بعد کینیا روانہ ہوئی، دبئی میں ٹیم نے ارشد شریف کے آخری دنوں کی ملاقاتوں اور رابطوں کی معلومات لیں۔

جے آئی ٹی رواں ہفتے اپنی رپورٹ مرتب کر کے سپریم کورٹ میں جمع کرائے گی۔

5 رکنی اسپیشل جے آئی ٹی کی سربراہی ڈی آئی جی ہیڈ کوارٹر اویس احمد کر رہے ہیں، جس میں آئی بی سے ڈپٹی ڈی جی ساجد کیانی، آئی ایس آئی سے گریڈ 20 کے افسر شامل ہیں۔

سپریم کورٹ میں صحافی ارشد شریف کے قتل پر لیے گئے ازخود نوٹس کیس کی سماعت کے دوران چیف جسٹس پاکستان عمر عطاء بندیال نے اسپیشل جے آئی ٹی کو حکم دیا کہ پتہ چلائیں کہ ارشد شریف کے ڈیجیٹل آلات کدھر ہیں؟

اسپیشل جے آئی ٹی میں ایف آئی اے سے ڈائریکٹر سائبر کرائم وقار الدین سید، ایم آئی سے محمد افضل شامل ہیں۔

مذکورہ 5 رکنی ٹیم کے علاوہ مقدمے کے تفتیشی انسپکٹر محمد شہباز بھی دبئی اور پھر کینیا میں ٹیم کے ساتھ تھے۔

بشکریہ جنگ