اردن کے ولی عہد شہزادہ حسین بن عبداللّٰہ عمرے کیلئے سعودی عرب پہنچ گئے

اردن کے ولی عہد شہزادہ حسین بن عبداللّٰہ گزشتہ روز عمرے کی ادائیگی کیلئے جدہ پہنچے۔

اردن کے شاہ عبداللّٰہ دوئم کے صاحبزادے احرام پہن کر ہی جدہ پہنچے اور وہاں سے مکہ روانہ ہوئے۔

شاہ عبدالعزیز ایئرپورٹ پر ان کا استقبال مکہ کے ڈپٹی گورنر شہزادہ بدر بن سلطان بن عبدالعزیز اور دیگر حکام نے کیا۔

پچھلے ہفتے ملکہ رانیہ نے بھی جدہ کا دورہ کیا تھا جہاں وہ رمضان بازار بھی گئی تھیں۔

چند ماہ بعد یکم جون کو 28 سالہ ولی عہد حسین بن عبداللّٰہ کی شادی سعودی کاروباری شخصیت کی صاحبزادی رجوہ السیف کے ساتھ ہوگی۔

بشکریہ جنگ