اردن کی فوج نے شام سے اسلحہ اسمگل کرنے والے ڈرون کو مار گرایا

اردن کی فوج نے شام سے بذریعہ ڈرون اسلحہ اسمگلنگ کی کوشش ناکام بنا دی۔

سرکاری میڈیا کے مطابق سلطنت کے بارڈر گارڈز نے ہتھیاروں اور ہینڈ گرنیڈز سے لدے ہوئے ڈرون کی نشاندہی کی جو ملک کے مشرقی علاقے میں داخل ہو رہا تھا۔

فوجی حکام کا کہنا ہے کہ مسلح ڈرون کو اردن کی حدود میں مار گرایا۔

تلاشی کے بعد بارڈر گارڈز نے ڈرون سے ایک ایم 4 کاربائن رائفل اور چار ہینڈ گرنیڈز برآمد کیے۔

واضح رہے کہ اردن کے حکام نے پچھلے ایک سال کے دوران شام سے ملک میں اسلحہ اسمگلنگ کے واقعات میں اضافے کی اطلاع دی ہے۔

بشکریہ جنگ