اداروں کیخلاف چلنے والی مہم پر وزیراعظم کا نوٹس

 وزیراعظم عمران خان نے اداروں اور افسران کے خلاف سوشل میڈیا پر چلنے والی مہم پر نوٹس لے لیا۔

 ذرائع کا بتانا ہے کہ عمران خان کی زیر صدارت پارٹی رہنماؤں کا اجلاس ہوا جس میں وزیراعظم نے مہم کیخلاف نوٹس لیا۔

ذرائع کے مطابق پی ٹی آئی کی تصاویر لگا کر سوشل میڈیا مہم چلانے والوں کی شناخت کرلی گئی ہے اور اجلاس میں وزیراعظم کو سوشل میڈیا مہم چلانے والوں سے متعلق رپورٹ پیش کی گئی۔

مسلم لیگ ن کی رہنما مریم نواز نے وزیراعظم عمران خان پر تنقید کرتے ہوئے کہا کہ کہا یور گیم از اوور، آپ نے کسی ادارے کو نیوٹرل نہیں رہنے دیا۔

ذرائع کا بتانا ہے کہ وزیراعظم نے مہم چلانے والے عناصر کے خلاف کارروائی کی ہدایت کردی۔

ذرائع کا بتانا ہے کہ سوشل میڈیا مہم چلانے والوں کے خلاف ایف آئی اے کارروائی کرے گی۔

بشکریہ جنگ