احسان فراموش، محسن کش شخص کا نام عمران خان ہے، مریم نواز

پاکستان مسلم لیگ (ن) کی نائب صدر مریم نواز نے سابق وزیراعظم عمران  خان کو محسن کش شخص قرار دے دیا۔

سماجی رابطے کی ویب سائٹ پر جاری بیان میں مریم نواز نے کہا کہ اپنی نااہلی سے ملک برباد کرنے کے بعد اس کی شکایت صرف یہ ہے کہ میرا ساتھ کیوں نہیں دے رہے؟

انہوں نے کہا کہ اب عمران خان کہہ رہا ہے میرا ساتھ نہیں دوگے تو شرمناک القابات سے پکاروں گا۔

ن لیگی نائب صدر نے مزید کہا کہ احسان فراموشی کرنے والا یہ محسن کش شخص جس کا نام عمران خان ہے۔

مریم نواز یہ بھی کہا کہ حضرت علی رضی اللّٰہ تعالیٰ عنہ کے قول کے مطابق یہ اپنے ہی محسنوں کے خلاف اٹھ کھڑا ہوا ہے۔

بشکریہ جنگ