احتساب عدالت اسلام آباد، 80 نیب ریفرنسز کا ریکارڈ جمع کروانے کا سلسلہ آج بھی جاری

اسلام آباد کی احتساب عدالت میں 80 نیب ریفرنسز کا ریکارڈ جمع کروانے کا سلسلہ آج بھی جاری ہے۔

ذرائع کے مطابق آج 20 سے زائد نیب ریفرنسز کے ریکارڈ جمع کرائے جانے کا امکان ہے۔

قومی احتساب بیورو (نیب) کی جانب سے کل 26 ریفرنسز کا ریکارڈ احتساب عدالت میں جمع کروایا گیا تھا۔

قومی احتساب بیورو (نیب) کے کیسز بحال ہونے کے بعد نیب کی ٹیم کیسز کا ریکارڈ لے کر احتساب عدالت پہنچ گئی۔

کل سابق وزرائے اعظم یوسف رضا گیلانی اور راجہ پرویز اشرف کے ریفرنسز کا ریکارڈ جمع کروایا گیا تھا۔

گزشتہ روز فرزانہ راجہ اور روبینہ خالد سمیت دیگر کے ریفرنسز کا ریکارڈ بھی جمع کروایا گیا۔

اسلام آباد کی احتساب عدالت نے ملزمان کو سمن جاری کرتے ہوئے طلب بھی کر لیا ہے۔

بشکریہ جنگ