ابرار احمد کی دھواں دار بالنگ پر نسیم شاہ نے کیا کہا ؟
قومی کرکٹ ٹیم کے فاسٹ بالر نسیم شاہ نے ٹیم میں نئے بہترین فاسٹ بالر کے ایڈیشن پر خوشی کا اظہار اور ابرار کی صلاحیتوں کی تعریف کی ہے۔
19 سالہ نسیم شاہ نے گزشتہ روز پاک بمقابلہ انگلیڈ میچ کے دوران 24 سالہ نئے فاسٹ بالر، ابرار احمد کی پرفارمنس کی خوب تعریف کی ہے۔
نسیم شاہ نے نجی ٹی وی چینل کو دیے گئے انٹرویو کے دوران کہا ہے کہ کسی بھی کھلاڑی کے لیے پہلا میچ کھیلنا اور اتنے اعتماد سے کھیلنا بہت بڑی بات ہوتی ہے، پہلے ہی اوور میں ایسی پرفارمنس بہت بڑی بات ہے۔
انہوں نے کہا کہ ٹیسٹ میچ کا ایک اپنا ہی دباؤ ہوتا ہے، اُس دباؤ کو نظر انداز کرکے اعتماد کے ساتھ بالنگ کرنا آسان نہیں، جس طرح سے ابرار نے بالنگ کی، جس لائن اور لینتھ میں رہتے ہوئے بالنگ کی، یہ قابلِ تعریف ہے۔
یاد رہے کہ قومی ٹیم کے فاسٹ بالر حارث رؤف کے بعد نسیم شاہ بھی کندھے کی انجری کاشکار ہوگئے ہیں۔
واضح رہے کہ پاکستان کو اسپن کا نیا جادوگر مل گیا، ابرار احمد نے گزشتہ روز انگلینڈ کے خلاف بالنگ کرتے ہوئے کھلاڑیوں کو گھما کر رکھ دیا، سات بلے بازوں کو پویلین بھیج دیا۔
ملتان میں کھیلےجارہے دوسرے ٹیسٹ کی پہلی اننگ کے دوران بیٹنگ کرتے ہوئے انگلش کپتان بین اسٹوکس کو بھی کچھ سمجھ نہیں آیا، کلین بولڈ ہونے پر منہ کھلا کا کھلا رہ گیا۔
چکراتی، گھومتی گیندوں نے انگلینڈ کے ٹاپ آرڈر کو چکرا دیا، سب ہی دیکھتے رہ گئے، ابرار احمد ڈيبیو پر سات وکٹیں لینے والے تیسرے پاکستانی بولر بن گئے، ان سے پہلے محمد زاہد اور نذیر جونیئر یہ کارنامہ انجام دے چکے ہیں۔
Comments are closed.