آسٹریلیا کا ویسٹ انڈیز کے خلاف ٹاس جیت کر فیلڈنگ کافیصلہ

ٹی 20 کرکٹ ورلڈ کپ میں آسٹریلیا اور ویسٹ انڈیزکے درمیان میچ کا آغاز ہوگیا ہے، آسٹریلیا نےٹاس جیت کرپہلے فیلڈنگ کرنے کا فیصلہ کیاہے۔

ٹی ٹوئنٹی کرکٹ ورلڈ کپ میں آج 2 میچز ہورہے ہیں، آسٹریلیا اور ویسٹ انڈیز کے درمیان آج کے پہلے میچ کا آغاز ہوگیا ہے جبکہ دوسرا میچ رات 7 بجے انگلینڈ اور جنوبی افریقا کے درمیان شارجہ کے میدان میں ہو گا۔

خیال رہے کہ گروپ ون میں آج آسٹریلیا اور جنوبی افریقا کا گراؤنڈ میں تو مقابلہ نہیں تاہم دونوں ٹیموں میں سے ایک کے سیمی فائنل میں جانے کا انحصار آج ہونے والے میچز پر ہے۔

اس وقت پوائنٹس ٹیبل پر گروپ ون میں انگلینڈ پہلے، آسٹریلیا دوسرے اور جنوبی افریقا تیسرے نمبر پر موجود ہے۔ جبکہ اس گروپ میں شامل سری لنکا، ویسٹ انڈیز اور بنگلادیش سیمی فائنل کی دوڑ سے باہر ہوچکے ہیں۔

بشکریہ جنگ