آسٹریلیا میں کوویڈ کا شکار کرکٹر کو کھیلنے کی اجازت پر بحث چھڑ گئی
آسٹریلیا میں کوویڈ 19 کے حوالے سے دہرے معیار کو تنقید کا نشانہ بنایا جانے لگا۔
میڈیا رپورٹس کے مطابق کوویڈ کا شکار کرکٹر میچ کے لیے دستیاب ہے پر ٹینس اسٹار کو ویکسین نہ لگوانے پر پابندی کا سامنا ہے۔
میڈیا رپورٹ کے مطابق کورونا کا شکار میتھیو ویڈ انگلینڈ کے خلاف میچ میں آسٹریلیا کو دستیاب ہوں گے۔ وکٹ کیپر بیٹر کا بدھ کو کوویڈ 19 ٹیسٹ مثبت آیا تھا۔
واضح رہے کہ آسٹریلین اوپن کے لیے آنے والے ٹینس اسٹار نواک جوکووچ کو حکومت نے ڈی پورٹ کردیا تھا۔
نواک جوکووچ نے کورونا ویکسین نہیں لگوائی تھی۔
میڈیا نے اپنی رپورٹس میں سوال اٹھایا ہے کہ کیا اس مرتبہ نواک جوکووچ کو آسٹریلین اوپن کے لیے اجازت ہوگی؟۔
میڈیا میں رپورٹ ہورہا ہے کہ یہ پاگل پن ہے کہ نواک جوکووچ پر پابندی ہے اور میتھیو ویڈ کو اجازت۔
میڈیا رپورٹس میں کہا جارہا ہے کہ کوویڈ قوانین میں آسٹریلوی حکومت کی پالیسیوں میں غیر تسلسل پریشان کر دینے والا ہے۔
گزشتہ برس دسمبر میں ایشز کے دوران پیٹ کمنز کو اس لیے ٹیسٹ مس کرنا پڑتا ہے کہ وہ کوویڈ سے متاثرہ شخص کے پاس کھڑے تھے۔
دوسری جانب کامن ویلتھ گیمز میں آسٹریلیا کی کرکٹ ٹیم میں تہلیا میگرا کوویڈ کے باوجود فائنل کھیل جاتی ہیں۔
واضح رہے کہ آئی سی سی ٹی ٹوئنٹی ورلڈ کپ میں قوانین کوویڈ سے متاثرہ کھلاڑی کو کھیلنے کی اجازت دیتے ہیں۔
Comments are closed.