آسٹریلیا میں کتے کو عمارت سے پھینکنے والی خاتون کو سزا

آسٹریلیا میں شاپنگ سینٹر کی دوسری منزل سے اپنے کتے کو نیچے پھینکنے والی خاتون کو جیل بھیج دیا گیا۔

آسٹریلوی اخبار کے مطابق عدالت نے اس عمل پر خاتون کو ایک سال کے لیے جیل بھیجنے کا حکم دیا ہے۔

رپورٹس کے مطابق عدالت نے 26 سالہ خاتون کے اس عمل کو جان بوجھ کر اور منصوبہ بندی کے تحت کرنا قرار دیا۔

غیرملکی میڈیا کے مطابق خاتون نے اپنی اس حرکت کا اعتراف کرلیا تھا اور اس واقعے کی سی سی ٹی وی ویڈیو بھی سامنے آئی تھی جبکہ اس واقعے میں کتے کو شدید چوٹیں آئی تھیں۔

غیرملکی میڈیا کے مطابق یہ واقعہ آسٹریلیا کے شہر پرتھ میں گزشتہ سال اپریل میں پیش آیا تھا۔

بشکریہ جنگ