آسٹریلوی ٹیسٹ کرکٹر ول پوکووسکی نے کھیل سے بریک لے لیا

آسٹریلوی ٹیسٹ کرکٹر ول پوکووسکی نے غیر معینہ مدت کے لیے کرکٹ سے بریک لے لیا۔

آسٹریلیا کی ویب سائٹ کے مطابق ول پوکووسکی نے دماغی صحت کے لیے بریک لینے کا فیصلہ کیا ہے، وہ ہفتے کو تسمانیہ میں شروع ہونے والے میچ میں وکٹوریہ کو دستیاب نہیں ہوں گے۔

رپورٹس کے مطابق ٹیسٹ کرکٹر ول پوکووسکی نے کرکٹ سے بریک کی وجہ ذاتی قرار دی ہے اور واپسی کا کوئی اشارہ بھی نہیں دیا ہے۔

ول پوکووسکی نے کندھے کی سرجری کے بعد ری ہیب بھی مکمل کیا۔

جی ایم کرکٹ وکٹوریہ کا کہنا ہے کہ کرکٹر کے ساتھ ہم مکمل تعاون کریں گے، کھلاڑی کی صحت کو اہمیت دیتے ہیں۔

کرکٹ وکٹوریہ کے مطابق ول کے ساتھ تعاون کریں گے اور ان کا خیال رکھیں گے جب وہ تیار ہوں گے انہیں ویلکم کہیں گے۔

بشکریہ جنگ