آرٹیفیشل انٹیلیجنس سے گوادر کے شاندار مستقبل کی پیشگوئی

دنیا میں تیزی سے ترقی کرتی ٹیکنالوجی کو اب مستقبل کے بارے میں پیشگوئیاں کرنے کے لیے بھی استعمال کیا جارہا ہے۔

جدید ٹیکنالوجی سے دنیا کے کئی چھوٹے اور بڑے شہروں کے مستقبل کے بارے میں پیشگوئیاں کی جارہی ہیں اور آرٹیفیشل انٹیلیجینس کی مدد سے پاکستان کے شہر گوادر کے شاندار اور حیرت انگیز مستقبل کے حوالے سے کی گئی پیشگوئی اس کی بہترین مثال ہے۔ 

اس اسٹریٹجک ساحلی شہر نے بطور عالمی اقتصادی پاور ہاؤس اپنی صلاحیت کی وجہ سے توجہ حاصل کی ہے، اور آرٹیفیشل انٹیلیجنس کی مدد سے کیے گئے تجزیے نے اس شہر کے مستقبل کی شاندار تصاویر تیار کی ہیں جو کہ اس شہر کے امید افزا مستقبل کی عکاسی کرتی ہیں۔

گوادر شہر کی آرٹیفیشل انٹیلیجنس کی مدد سے بنی یہ تصاویر دیکھ کر سوشل میڈیا صارفین حیران نظر آرہے ہیں۔

زیادہ تر سوشل میڈیا صارفین کا کہنا ہے کہ اگر گوادر میں چین نے اپنے ترقیاتی منصوبوں پر کام کیا تو پھر تو شہر کا مستقبل اتنا شاندار ہوسکتا ہے اور یہ پاکستان کے لیے کسی بڑے معجزے سے کم نہیں ہوگا۔

بشکریہ جنگ