آرمی چیف کا چونڈہ کے قریب چنوکی کا دورہ، جوانوں کی مشق وکٹری شیلڈ کا مشاہدہ

آرمی چیف جنرل قمر جاوید باجوہ نے سیالکوٹ میں چونڈہ کے قریب چنوکی کا دورہ کیا۔

آئی ایس پی آر کے مطابق آرمی چیف نے گوجرانوالہ کور کے جوانوں کی مشق وکٹری شیلڈ کا مشاہدہ کیا، آرمی چیف کو مشق وکٹری شیلڈ کے مقاصد کے متعلق بریفنگ دی گئی۔

بعدازاں آرمی چیف کو مشق کی منصوبہ بندی اور پیرا میٹرز سے بھی آگاہ کیا گیا۔ 

اس موقع پر آرمی چیف کا کہنا تھا کہ ایسی مشقیں جوانوں کے اعتماد کو مزید بڑھاتی ہیں، ایسی مشقیں ہم آہنگی اور جوانوں کی حربی صلاحیتوں کو تقویت دیتی ہیں۔

آرمی چیف نے جوانوں کی حقیقی اور سخت ترین تربیت پر زور دیا۔

بشکریہ جنگ