آرمی چیف جنرل عاصم منیر سے ورلڈ جونیئر اسکواش چیمپئن حمزہ خان کی ملاقات

آرمی چیف جنرل سید عاصم منیر سے ورلڈ جونیئر اسکواش چیمپئن محمد حمزہ خان نے ملاقات کی۔

آئی ایس پی آر کے مطابق آرمی چیف نے حمزہ خان کو ملک کیلئے شاندار کامیابی پر مبارکباد دی۔

وزیراعظم نے کہا کہ حمزہ خان سے وعدہ لیا ہے وہ سینئر عالمی چیمپئن شپ جیت کر پاکستان کا نام روشن کرے گا۔

سپہ سالار نے کہا کہ آپ جیسے لوگوں پر ہم سب فخر کرتے ہیں، آپ کی عظیم کامیابی اس قوم کی عظیم صلاحیت کو بھی واضح کرتی ہے۔

جنرل عاصم منیر کا کہنا تھا کہ فوج ملک میں نوجوان ٹیلنٹ کی سپورٹ جاری رکھے گی۔

انہوں نے کہا کہ ہمارے نوجوان اس ملک کا مستقبل ہیں، توجہ، لگن اور محنت سے کوئی ایسا کام نہیں جو پاکستان نہ کرسکے۔

بشکریہ جنگ