آخری دن کاغذاتِ نامزدگی جمع کرانے کا سلسلے جاری

ملک بھر میں انتخابات 2024ء کے لیے آخری دن کاغذاتِ نامزدگی جمع کرانے کا سلسلے جاری ہے۔

اسلام آباد کے ڈسٹرکٹ ریٹرننگ آفس میں کاغذاتِ نامزدگی جمع کرائے جا رہے ہیں۔

امیدوار شام ساڑھے 4 بجے تک کاغذات نامزدگی جمع کرا سکیں گے۔

مسلم لیگ ن کے طارق فضل چوہدری کاغذات نامزدگی جمع کرا چکے جبکہ سابق ڈپٹی میئر ذیشان نقوی اور چوہدری رفعت نے بھی کاغذات نامزدگی جمع کرا دیے ہیں۔

سابق میئر شیخ انصر اور پیر عادل گیلانی نے بھی کاغذاتِ نامزدگی جمع کرا دیے ہیں۔

پیپلز پارٹی کے راجہ عمران اشرف نے کاغذات نامزدگی جمع کرا دیے۔

ذرائع کے مطابق استحکام پاکستان پارٹی کے رہنما آج کاغذات نامزدگی جمع کرائیں گے۔

ڈسٹرکٹ ریٹرننگ آفس اسلام آباد میں 150 کے قریب امیدواروں کے کاغذات جمع ہو چکے ہیں۔

مسلم لیگ ن کے خرم دستگیر آج این اے78 سے کاغذات نامزدگی جمع کرائیں گے۔

بشکریہ جنگ