آئی سی سی نے سری لنکا کی رکنیت معطل کردی

انٹرنیشنل کرکٹ کونسل (آئی سی سی) نے سری لنکا کی رکنیت معطل کردی۔

آئی سی سی کا کہنا ہے کہ انٹرنیشنل کرکٹ کونسل بورڈ نے فوری طور پر سری لنکا کو معطل کرنے کا فیصلہ کیا ہے، سری لنکا کو حکومتی مداخلت کی بنا پر معطل کیا گیا ہے۔

 آئی سی سی نے مزید بتایا کہ بورڈ اجلاس میں اتفاق ہوا کہ سری لنکا کرکٹ کے معاملات آئی سی سی قوانین کی خلاف ورزی ہے، معطلی اور اس کے خاتمے کی شرائط و ضوابط جلد طے کریں گے۔

واضح رہے کہ آئی سی سی ورلڈ کپ میں سری لنکا کرکٹ ٹیم کی ناقص کارکردگی پر سری لنکا کے وزیرِ کھیل روشن رانا سنگھے نے کرکٹ بورڈ کو فارغ کر دیا تھا۔

غیر ملکی خبر ایجسنی کے مطابق وزیرِ کھیل کے کرپشن کے الزامات پر بورڈ سے تعلقات کشیدہ تھے، سری لنکا بورڈ کو بھارت کے ہاتھوں ذلت آمیز شکست کے بعد فارغ کیا گیا۔

بشکریہ جنگ