آئی جی پنجاب کے دفتر سے جعلی خاتون ASP گرفتار

آئی جی پنجاب کے دفتر میں جعلی اے ایس پی بن کر داخل ہونے والی مسلح خاتون کو سیکیورٹی حکام نے گرفتار کرکے مقامی پولیس کے حوالے کردیا۔

پولیس کے مطابق مریم نامی خاتون نے سنٹرل پولیس آفس کے گیٹ پر خود کو اے ایس پی ظاہر کیا اور تین لڑکوں کے ساتھ آئی جی سے ملاقات کا بتاکر اندر پہنچ گئی۔

مریم نے پوسٹنگ کے لیے آئی جی سے ملاقات کرنا چاہی، تو سیکیورٹی حکام نے شک گزرنے پر چیک کیا تو خاتون سے جعلی پولیس کارڈ اور پستول برآمد ہوا۔

خاتون اور اس کے ساتھیوں جبران علی، شاہ زیب اور شاہ میر کو حراست میں لے لیا گیا ہے۔

بشکریہ جنگ