آئی جی خیبر پختونخوا معظم جاہ انصاری کو تبدیل کردیا گیا

انسپکٹر جنرل پولیس (آئی جی) خیبر پختونخوا معظم جاہ انصاری کو تبدیل کر دیا گیا۔

اختر حیات گنڈا پور نئے آئی جی خیبر پختونخوا تعینات کردیے گئے، جس کا  نوٹیفکیشن  بھی جاری کردیا گیا۔

اسٹیبلشمنٹ ڈویژن کو نئے آئی جی کے پی کیلئے تین ناموں کی سمری بھیجی گئی تھی جن میں محمد سعید خان، اختر حیات گنڈا پور اور سہیل تاجک کے نام شامل تھے۔

اب اسٹیبلشمنٹ ڈویژن کی جانب سے اختر حیات گنڈا پور کو نیا آئی جی خیبر پختونخوا تعینات کرنے کا نوٹیفکیشن بھی جاری کر دیا گیا ہے۔

یاد رہے کہ وفاقی حکومت نے انسپکٹر جنرل (آئی جی) پولیس خیبر پختونخوا معظم جاہ انصاری کو تبدیل کرنے کا فیصلہ کیا تھا۔

 اس حوالے سے وفاق نے اسٹیبلشمنٹ ڈویژن سے نام مانگے تھے۔

بشکریہ جنگ