آئی ایم ایف کا وزیرِ خزانہ اسحاق ڈار اور ٹیم کے اعزاز میں ظہرانہ

بین الاقوامی مالیاتی فنڈ (آئی ایم ایف) نے وزیرِ خزانہ اسحاق ڈار اور معاشی ٹیم کے اعزاز میں ظہرانہ دیا ہے۔

ذرائع کے مطابق وزیرِ خزانہ اسحاق ڈار کے ہمراہ معاشی ٹیم اور آئی ایم ایف کا وفد آج اکٹھے ظہرانے میں شریک ہیں۔

ذرائع نے بتایا ہے کہ آئی ایم ایف کےظہرانے میں وزیرِ مملکت عائشہ غوث پاشا، طارق باجوہ اور طارق پاشا بھی شریک ہیں۔

وفاقی وزیر خزانہ اسحاق ڈار کا کہنا ہے کہ آئی ایم ایف کے کہنے پر اقدامات کریں گے مگر ان کا دباؤ عوام پر نہیں آئے گا۔

ذرائع کا کہنا ہے کہ معاشی ٹیم اور وفد کو ظہرانہ آئی ایم ایف کے نمائندے ایسٹر پیریز نے دیا ہے۔

ذرائع نے یہ بھی بتایا ہے کہ ظہرانے میں بھی آئی ایم ایف کے وفد سے مذاکرات پر بات چیت ہوئی ہے۔

بشکریہ جنگ