پی ایس ایل7، عمران طاہر کے ہمشکل کی اسٹیڈیم آمد

پی ایس ایل کی ٹیم ملتان سلطانز میں شامل سابق جنوبی افریقی کرکٹر عمران طاہر کا فین اور ہم شکل بلال طاہر ملاقات کی آس لیے قذافی اسٹیڈیم پہنچ گیا۔

عمران طاہر کے ہم شکل بلال طاہر کا کہنا ہے کہ میں 13 سال سے کوشش کر رہا ہوں کہ عمران طاہر سے ملاقات کروں۔

سابق جنوبی افریقی کرکٹر اور ملتان سلطانز کی نمائندگی کرنے والے عمران طاہر کی ملتان سلطانز کے لیے شاندار پرفارمنس نے شائقین کرکٹ کے دل جیت لیے۔

انہوں نے کہا کہ ’مجھےاللہ تعالی نے ہی ایسا بنایا ہے، عمران طاہر سے شکل ملتی ہے، میں جہاں سے بھی گزرتا ہوں لوگ کہتے ہیں عمران طاہر گزر رہا ہے۔‘

بلال طاہر نے کہا کہ میں بھی کرکٹ کھیلتا ہوں اور میں سیلیبریشن بھی عمران طاہر کی طرح کرتا ہوں۔

عمران طاہر کے ہمشکل نے کہا کہ ملتان سلطانز بہت اچھا پرفارم کر رہی ہے، انشا اللہ اس بار جیت ملتان کی ہوگی۔

بشکریہ جنگ