اتواریکم رجب المرجب 1442ھ 14؍ فروری2021ء

پیپلز پارٹی کا سینیٹ انتخابات کے شیڈول پر تحفظات کا اظہار

پاکستان پیپلز پارٹی نے سینیٹ انتخابات کے شیڈول پر تحفظات کا اظہار کرتے ہوئے الیکشن کمیشن کو خط لکھ دیا۔

پیپلز پارٹی کی جانب سے الیکشن کمیشن کو لکھے گئے خط میں موقف اختیار کیا گیا ہے کہ کم وقت میں امیدواروں کی فہرست کو حتمی شکل دینا مشکل ہے۔

خط کے متن میں الیکشن کمیشن سے سوال کیا گیا ہے کہ کیا دو روز میں جانچ پڑتال، بینک اکاؤنٹس اور دیگر امور طے کئے جاسکتے ہیں؟

پی پی نے خط میں تحریر کیا ہے کہ امیدواروں کے انٹرویو اور دیگر عوامل کے لئے پارلیمانی بورڈ کو وقت درکار ہے۔

خط میں چیف الیکشن کمشنر سے استدعا کی گئی ہے کہ سینیٹ الیکشن کے حوالے سے مناسب اقدامات کیے جائیں۔

بشکریہ جنگ
You might also like

Comments are closed.