نسلہ ٹاور بیشتر مکینوں نے خالی کر دیا

سپریم کورٹ آف پاکستان کے حکم پر کراچی میں گرائے جانے والے نسلہ ٹاور کے بیشتر مکینوں نے عمارت کو خالی کر دیا ہے۔

نسلہ ٹاور کے جو مکین اب بھی وہاں موجود ہیں وہ اپنا سامان سمیٹنے میں مصروف ہیں۔

سپریم کورٹ آف پاکستان کی کراچی رجسٹری نے نسلہ ٹاور کیس کا تحریری فیصلہ جاری کر دیا جس میں کہا گیا ہے کہ نسلہ ٹاور گرانے کے اخراجات نسلہ ٹاور کے مالک سے لیے جائیں۔

نسلہ ٹاور سے 50 فیصد سے زائد مکین مختلف مقامات پر اپنے سامان سمیت منتقل ہو گئے ہیں۔

رہ جانے والے نسلہ ٹاور کے رہائشی اپنا سامان دوسری جگہوں پر منتقل کرنے میں مصروف ہیں۔

کمشنر کراچی محمد اقبال میمن نے نسلہ ٹاور گرانے کے لیے کمپنیوں سے درخواستیں مانگ لیں۔

واضح رہے کہ نسلہ ٹاور کو خالی کرانے کی ڈیڈ لائن پہلے ہی ختم ہو چکی ہے۔

بشکریہ جنگ