نریندر مودی کی عمران خان کیلئے نیک خواہشات

بھارتی وزیراعظم نریندر مودی نے وزیراعظم عمران خان کے کورونا وائرس کا شکار ہونے کے بعد ان کی جلد صحتیابی کے لیے نیک خواہشات کا اظہار کیا ہے۔

خیال رہے کہ وزیراعظم عمران خان آج کورونا وائرس کا شکار ہوگئے تھے۔

اس حوالے سے وزیراعظم کے معاون خصوصی برائے صحت ڈاکٹر فیصل سلطان نے ٹوئٹر پر جاری بیان میں بتایا کہ عمران خان کا کورونا ٹیسٹ مثبت آیا ہے۔

وزیراعظم کی صحتیابی کے لیے دعائیہ پیغامات کا سلسلہ جاری ہے۔ پڑوسی ملک بھارت کے وزیراعظم نریندر مودی نے بھی وزیراعظم عمران خان کی صحتیابی کے لیے دعا کی۔

مائیکرو بلاگنگ ویب سائٹ ٹوئٹر پر نریندر مودی نے اپنے ذاتی اکاؤنٹ سے وزیراعظم عمران خان کو ٹیگ کرتے ہوئے پیغام جاری کیا۔

انھوں نے لکھا کہ کورونا وائرس سے جلد صحتیابی کے لیے ان کی نیک خواہشات وزیراعظم عمران خان کے ساتھ ہیں۔

خیال رہے کہ وزیراعظم نے چند روز قبل کورونا وائرس کی ویکسینیشن کروائی تھی۔

اس حوالے سے وزارت نیشنل ہیلتھ سروسز کا کہنا تھا کہ وزیراعظم عمران خان جب کورونا میں مبتلا ہوئے اس وقت ان کی مکمل ویکسی نیشن نہیں ہوئی تھی۔

بشکریہ جنگ