فائنل میں جیت کے بعد حفیظ کا پہلا ٹوئٹ
پاکستان سپر لیگ (پی ایس ایل) 7 میں ایونٹ کی فیورٹ اور دفاعی چیمپئن ملتان سلطانز کو شکست دے کر لاہور قلندرز پہلی بار چیمپئن بن گئی جس کے بعد لاہور کے کھلاڑی محمد حفیظ نے سوشل میڈیا پر پیغام جاری کردیا۔
محمد حفیظ نے مائیکرو بلاگنگ سائٹ ٹوئٹر پر گزشتہ میچ کی اپنی وہ تصویر شیئر کی جس میں اُنہیں ’مین آف دی میچ‘ کا ایوارڈ دیا جارہا ہے۔
لاہور قلندرز کے کھلاڑی نے اپنے ٹوئٹ میں لکھا کہ ’ٹائیگر ابھی زندہ ہے۔‘
محمد حفیظ کے اس ٹوئٹ پر شائقین کرکٹ کی جانب سے فائنل میں اُن کی پرفارمنس کی خوب تعریف کی جارہی ہے۔
واضح رہے کہ قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دے کر پی ایس ایل کے چیمپئن کا تاج اپنے سر پر سجالیا۔
محمد حفیظ کو شاندار آل راؤنڈر پرفارمنس پر میچ کا بہترین کھلاڑی قرار دیا گیا۔
بشکریہ جنگ
Comments are closed.