عوام سے اپیل ہے کورونا ویکسین ضرور لگوائیں: ڈاکٹر فیصل سلطان

وزیرِ اعظم عمران خان کے معاونِ خصوصی برائے صحت ڈاکٹر فیصل سلطان کا کہنا ہے کہ عوام سے اپیل ہے کہ کورونا وائرس سے بچاؤ کے لیے ویکسین ضرور لگوائیں۔

وزیرِ اعظم عمران خان کے معاونِ خصوصی برائے صحت ڈاکٹر فیصل سلطان کا کہنا ہے کہ ڈیٹا بتا رہا ہے کہ کورونا وائرس کی چوتھی لہر آ رہی ہے۔

یہ بات وزیرِ اعظم عمران خان کے معاونِ خصوصی برائے صحت ڈاکٹر فیصل سلطان نے اسلام آباد میں میڈیا سے گفتگو کرتے ہوئے کہی۔

انہوں نے مزید کہا کہ بنیادی مراکزِ صحت پر توجہ دے کر صحت کے شعبے کو بہتر بنایا جا سکتا ہے۔

فیصل سلطان نے یہ بھی کہا کہ وہ مراکز تک بھی پہنچیں گے تاکہ کوئی ہچکچاہٹ باقی نہ رہے۔

ڈاکٹر فیصل سلطان نے مزید کہا کہ پرائمری ہیلتھ سسٹم کی سہولتوں کو بہتر کرنے کی ضرورت ہے۔

وزیرِ اعظم عمران خان کے معاونِ خصوصی برائے صحت نے یہ بھی بتایا کہ تمام بنیادی مراکزِ صحت اور رورل ہیلتھ سینٹرز کو اپ گریڈ کر رہے ہیں۔

بشکریہ جنگ