شبلی فراز نے شہبازگل کو صحافیوں سے بات کرنے سے روک دیا

حکومت اور اتحادی جماعتوں کے پارلیمانی پارٹی اجلاس کےبعد وفاقی وزیر اطلاعات و نشریات سینیٹر شبلی فراز نے وزیراعظم عمران خان کے معاون خصوصی شہبازگل کو صحافیوں سے بات کرنے سے روک دیا۔

وزیراعظم عمران خان کی زیر صدارت پارلیمانی پارٹی اجلاس کے بعد شبلی فراز اور شہباز گل کے درمیان دلچسپ مکالمہ ہوا ، شبلی فراز نے پوچھا کہ آپ کیا کر رہے ہیں، جس کے جواب میں شہباز گل نے کہا کہ میں پریس کانفرنس کرنے جا رہا ہوں۔

اس کے بعد شبلی فراز نے وزیراعظم کے معاون خصوصی شہبازگل کو صحافیوں سے بات کرنے سے روک دیا۔

شہبازگل نے کہا کہ میں صحافیوں کو صرف قرض سے متعلق نمبرز بتا رہا ہوں، اس پر شبلی فراز نے شہباز گل کو جواب دیتے ہوئے کہا کہ یہ میرا کام ہے، آپ ایسا نہیں کرسکتے۔

وزیراعظم کے معاون خصوصی شہباز گل وضاحت پیش کرتے رہے کہ میں نے کچھ نہیں کیا۔

آخر میں وفاقی وزیر اطلاعات و نشریات سینیٹر شبلی فراز نےشہباز گل سے کہا کہ آپ بھی میرے ساتھ پریس کانفرنس میں آجائیں۔

بشکریہ جنگ