رضوان اور بابر نے بھارت کیخلاف ٹی20 کرکٹ میں پاکستان کی بہترین اوپننگ شراکت بنادی

ٹی 20 ورلڈکپ سپر 12 کے چوتھے میچ میں بھارت کے خلاف بیٹنگ کرتے ہوئے رضوان اور بابر نے  پاکستان کی بہترین اوپنگ شراکت بنادی۔

 اس سے قبل پاکستان کی بہترین شراکت کا ریکارڈ 74 رنز تھا،  2012 میں احمد شہزاد اور ناصر جمشید نے احمد آباد میں 74 رنز کی شراکت بنائی تھی۔

مائیکل وان نے اپنے ٹوئٹر پیغام میں بابر اعظم کے لیے تعریفی کلمات ادا کرتے ہوئے کہا کہ تم بہت اچھا کرسکتے ہو۔

ٹی 20 ورلڈکپ سپر 12 کے چوتھے میچ میں ہدف کے تعاقب میں پاکستان نے 15 اوورز میں بغیر کسی نقصان پر 121 رنز بنالیے ہیں۔

بھارت کے 152 رنز کے ہدف کے تعاقب میں محمد رضوان اور کپتان بابراعظم نے گرین شرٹس کی اننگز کا آغاز کیا ہے۔

دونوں نے ذمہ دارانہ بیٹنگ کا مظاہرہ کرتے ہوئے 13ویں اوور میں سنچری پارٹنرشپ مکمل کی۔

پاکستان کرکٹ ٹیم کے آل راؤنڈر وہاب ریاض نے بھارت…

بھارت نے کپتان ویرات کوہلی کے شاندار 57 اور رشبھ پنت کے 39 رنز کی بدولت مقررہ 20 اوورز میں 7 وکٹ پر 151 رنز بنائے۔

میچ کے آغاز میں پاکستانی بولر شاہین شاہ آفریدی نے 6 کے اسکور پر دونوں بھارتی اوپنرز کو پویلین بھیج کر میچ پر گرین شرٹس کی پوزیشن مستحکم بنادی۔

انٹر نیشنل کرکٹ کونسل ( آئی سی سی ) نے اپنے ٹوئٹر اکاؤنٹ پر پاکستانی کرکٹ ٹیم کے کھلاڑیوں شاہد آفریدی اور شاہین شاہ آفریدی کی تصویر شیئر کی ہے ۔

پہلے اوور میں شاہین شاہ آفریدی نے روہیت شرما کو صفر پر میدان بدر کیا تو اننگز کے تیسرے اوور کی پہلی گیند پر شاہین نے کے ایل راہول کو بولڈ کردیا۔

اس کے بعد بھارتی کپتان ویرات کوہلی نے سوریا کمار یادیو کے ہمراہ 25 رنز کی شراکت قائم کی، حسن علی نے محمد رضوان کی مدد سے سوریا کمار کو 11 کے انفرادی اسکور پر قابو کرلیا۔

بھارت کے خلاف شاندار بولنگ کرنے پر وسیم اکرم نے اپنے ٹوئٹر پیغام میں کہا کہ شاہین یو لٹل بیوٹی ۔

یوں بھارت کی ابتدائی تین وکٹیں 31 کے اسکور پر گرگئیں، ایسے میں بھارتی کپتان ویرات کوہلی نے وکٹ پر روکنے اور مزید تحمل کیساتھ کھیلنے کا فیصلہ کیا۔

انہوں نے اس موقع پر آنے والے لیفٹ ہینڈ بیٹسمین رشبھ پنت کو موقع دیا کہ وہ کھل کر کھیلیں، اس دوران دونوں کھلاڑیوں نے اسکور میں مجموعی طور پر 53 رنز کی شراکت قائم کی۔

رشبھ پنت نے 30 گیندوں پر 2 چھکوں اور اتنے ہی چوکوں کی مدد 39 رنز بنائے انہیں شاداب خان نے آؤٹ کیا۔

بھارت کی پانچویں وکٹ 125 کے اسکور پر گری جبکہ رویندر جدیجا 13 رنز بنا کر حسن علی کا دوسرا شکار بن گئے۔ اس کے بعد 133 کے مجموعے پر گرین شرٹس کو بڑی وکٹ مل گئی، ویرات کوہلی کو شاہین شاہ آفریدی نے 57 انفرادی اسکور پر میدان سے واپسی کا راستہ دکھایا۔

ہردیک پانڈیا 11 رنز بنا کر حارث رؤف کا شکار بنے تو بھارت کی 7ویں وکٹ 146 رنز پر گر گئی۔

پاکستان کی طرف سے شاہین شاہ آفریدی نے 3، حسن علی نے 2، شاداب خان اور حارث رؤف نے ایک ایک وکٹ اپنے نام کی۔

بشکریہ جنگ