بلاول کی عاصمہ شیرازی کیخلاف منظم ہراسانی مہم کی مذمت

پاکستان پیپلز پارٹی (پی پی پی) کے چیئرمین بلاول بھٹو زرداری نے خاتون صحافی عاصمہ شیرازی کی منظم ہراسانی کی مہم کی مذمت کی ہے۔

جاری کیئے گئے بیان میں چیئرمین پی پی پی بلاول بھٹو زرداری کا کہنا ہے کہ پوری صحافی برادری عاصمہ شیرازی کے ساتھ کھڑی ہے، حکومت ہوش کے ناخن لے۔

نصرت بھٹو کی تصویر کے کیپشن میں بلاول بھٹو زرداری نے ’سُپر ویمن‘ لکھا۔

انہوں نے کہا ہے کہ عاصمہ شیرازی کا معاملہ انفرادی نہیں، اختلافِ رائے کو کچلنا حکومت کا ایک عمومی رویہ بن چکا ہے۔

بلاول بھٹو زرداری نے کہا کہ ملک بدترین مہنگائی کا شکار ہے اور حکومت ایک خاتون صحافی کی کردار کشی کی مہم میں مصروف ہے۔

سعید غنی نے تصویر شیئر کرتے ہوئے لکھا کہ ’چیئرمین بلاول بھٹو کی دورۂ فیضان مدینہ میں لی گئی تصویر۔‘

اپنے بیان میں انہوں نے مزید کہا ہے کہ سچ سے خوف زدہ حکومت دھونس، دھمکی سے عوام کے حق میں اٹھنے والی آوازوں کو دبانا چاہتی ہے۔

چیئرمین پی پی پی کا یہ بھی کہنا ہے کہ عوامی مسائل کے حل کے بجائے صحافیوں پر حملے کا مطلب ہے کہ حکومت کے پاس بحرانوں کا کوئی حل نہیں۔

بشکریہ جنگ