اسلام آباد ایئرپورٹ سے منی لانڈرنگ کا بڑا ملزم گرفتار

کسٹمز حکام نے اسلام آباد ایئرپورٹ پر منی لانڈرنگ کے ملزم کو گرفتار کرلیا ہے۔

ڈائریکٹریٹ آف انٹیلی جنس اینڈ انویسٹی گیشن کسٹمز راولپنڈی نے اسلام آباد ایئرپورٹ پر کارروائی کی۔

اعلامیے کے مطابق کسٹمزحکام نے اسلام آباد ایئرپورٹ پر منی لانڈرنگ کے ملزم زاہد معراج کو دبئی سے اسلام آباد پہنچنے پر گرفتار کرلیا ہے۔

حکام کے مطابق ملزم زاہد معراج پر منی لانڈرنگ ایکٹ کے تحت ایف آئی آر درج کی گئی تھی۔

کسٹمز حکام کے مطابق ملزم زاہد معراج کے خلاف سونے کی برآمد کی آڑ میں منی لانڈرنگ کا مقدمہ درج ہے۔

حکام کے مطابق ملزم اور اس کے 9 دیگرساتھیوں پر 1 کروڑ 60 لاکھ ڈالر کی منی لانڈرنگ کا الزام ہے، ملزم کا ایک اور ساتھی ہمایوں اکرم بھی اس سے پہلے گرفتار کیا جا چکا ہے۔

بشکریہ جنگ