گھوٹکی میں شوہر نے زہر دے کر بیوی کو چھت سے گرادیا

سندھ کے شہر گھوٹکی میں شوہر نے مبینہ طور پر بیوی کو زہر دے کر چھت سے گرا دیا، خاتون اسپتال میں دم توڑ گئی، بھتیجی کی موت پر چچا نے بھی خودکشی کرکے اپنی زندگی کا خاتمہ کرلیا۔

خاتون کی لاش کا پوسٹمارٹم کرنے پر لواحقین نے خاتون ڈاکٹر پر تشدد کیا۔

ملزمان کے قبضے سے ناقابل تردید ثبوت، شواہد اور موبائل فون برآمد کرکے مقدمہ درج کرکےکارروائی شروع کر دی گئی۔

پولیس کے مطابق رونتی کے علاقے میں پیش آئے واقعہ کی متاثرہ خاتون کو ڈہرکی اسپتال منتقل کیا گیا، جہاں وہ زخموں کی تاب نہ لاتے ہوئے دم توڑ گئی۔ چچا نے بھتیجی کی موت پر اسپتال میں موجود اسپرٹ پی لی، جس سے وہ بھی انتقال کر گیا۔

خاتون کے پوسٹمارٹم کرنے پر لواحقین نے احتجاج کیا، لیڈی ڈاکٹر شکیلہ ماجد کے مطابق لواحقین نے اُن پر تشدد کیا۔

پولیس کا کہنا ہے کہ تمام پہلوؤں سے معاملے کاجائزہ لے کر قانونی کارروائی کی جائے گی۔

بشکریہ جنگ