چیئرمین سینیٹ صادق سنجرانی سے وزیر خارجہ قازقستان مختار بلوبردی کی ملاقات

چیئرمین سینیٹ صادق سنجرانی سے قازقستان کے وزیر خارجہ مختار تلو بردی نے پارلیمنٹ ہاؤس میں ملاقات کی ہے۔

دورانِ گفتگو صادق سنجرانی نے کہا کہ پاکستان قازقستان کے تعلقات مستحکم ہوئے ہیں، او آئی سی کے عوام ہمارے ساتھ کھڑے ہیں۔

انہوں نے مزید کہا کہ پارلیمانی سطح پر قازقستان کے ساتھ بہترین تعلقات ہیں، وفود کے تبادلوں میں تیزی لانا اہم ہے، ادارہ جاتی تعاون کے ذریعے رابطہ کاری کو فروغ ملے گا۔

قازقستان کے وزیر خارجہ نے کہا کہ 23 مارچ کی تقریب میں شرکت کی خوشی ہوئی، ایئر شو قابل تعریف ہے، پائلٹس کی مہارت نے کافی متاثر کیا۔

وزیر خارجہ قازقستان نے مزید کہا کہ سیاسی روابط بڑھ رہےہیں، اعلیٰ سطح پر وفود کے تبادلے زیرِغور ہیں۔

بشکریہ جنگ