اجلاس 25 مارچ کو بلانے کا فیصلہ اسپیکر کے گھر پر ہوا، ذرائع

وزیراعظم عمران خان کے خلاف تحریکِ عدم اعتماد کے بعد قومی اسمبلی کا اجلاس 25 مارچ کو بلانے کا فیصلہ اسپیکر اسد قیصر کی رہائشگاہ پر ہوا۔

ذرائع کے مطابق قومی اسمبلی کے اجلاس کو 25 مارچ کو طلب کرنے کا فیصلہ اسپیکر اسد قیصر کے گھر پر ہونے والے اجلاس میں کیا گیا۔

اجلاس میں قومی اسمبلی سیکریٹریٹ حکام شریک ہوئے، اس دوران اجلاس 25 مارچ کو بلانے کے قواعد کا جائزہ لیا گیا۔

ذرائع کا کہنا ہے کہ قومی اسمبلی کے 25 مارچ کو بلائے جانے والے اجلاس میں انتقال کرنے والے رکن قومی اسمبلی کے لیے فاتحہ خوانی ہوگی اور پھر اجلاس ملتوی کردیا جائے گا۔

ذرائع کے مطابق اجلاس میں طے پایا کہ 25 مارچ کو ہونے والے قومی اسمبلی اجلاس میں عدم اعتماد کی تحریک پیش نہیں کی جائے گی۔

بشکریہ جنگ