کوہلو: سرکاری عمارت کے قریب دھماکا
بلوچستان کے ضلع کوہلو میں سرکاری عمارت کے قریب دھماکا ہوا ہے، تاہم کوئی جانی نقصان نہیں ہوا۔
لیویز حکام کا کہنا ہے کہ کوہلو کی تحصیل ماوند کے علاقے نیلی میں قائم بنیادی مرکزِ صحت کی عمارت کے قریب دھماکا ہوا ہے۔
لیویز حکام کے مطابق عمارت کے قریب سے ایک مشکوک بیگ بھی ملاہے۔
دھماکے کے نتیجے میں عمارت کو جزوی نقصان ہوا لیکن کوئی جانی نقصان نہیں ہوا۔
واقعے کے بعد لیویز فورس کی جانب سے موقع پر پہنچ کر علاقے کو گھیرے میں لے لیا گیا ہے۔
خیال ظاہر کیا جا رہا ہے کہ تخریب کار بنیادی مرکزِ صحت کو نشانہ بنانا چاہتے تھے۔
دھماکے کی نوعیت جاننے کی کوشش کی جا رہی ہے، ملزمان کی تلاش شروع کر دی گئی ہے۔
بشکریہ جنگ
Comments are closed.