شہباز شریف کا اپوزیشن رہنماؤں کے اعزاز میں عشائیہ

وزیر اعظم کے خلاف عدم اعتماد کی تحریک کے معاملے پر ملکی سیاست میں مزید تیزی آگئی، پاکستان مسلم لیگ ن نے اپوزیشن رہنماؤں کے اعزاز میں عشائیہ دے دیا۔

شہباز شریف کے عشائیے سے قبل اپوزیشن رہنماؤں کا اجلاس ہوا، جس میں  تحریک عدم اعتماد کے لئے رابطوں پر اظہار اطمینان کیا گیا۔

ذرائع کا کہنا ہے کہ حکومتی اتحادیوں سے جاری بات چیت پر بھی اطمینان کا اظہار کیا گیا، اپوزیشن رہنماؤں  نے قائد حذب اختلاف شہباز شریف پر اعتماد کا اظہار کیا۔

اس سے قبل وزیر اعظم عمران خان پارلیمنٹ لاجز پہنچے جہاں عمران خان کی بی اے پی کے پارلیمانی لیڈر خالد مگسی سے ملاقات ہوئی۔

 ذرائع کا کہنا ہے کہ اپوزیشن رہنماؤں نے اتفاق کیا کہ شہباز شریف جو فیصلہ کریں گے، ہم قبول کریں گے۔

 اپوزیشن لیڈر شہباز شریف کی جانب سے دیئے گئے عشائیے میں آصف علی زرداری، بلال بھٹو ،مولانافضل الرحمان،ایمل ولی خان  شریک ہوئے۔

جمعیت علماء اسلام  کے اکرم خان درانی، مولانا عبدالغفور حیدری، اسعد محمود، صلاح الدین ایوبی بھی عشائیے میں شریک تھے۔

زرداری ہاؤس میں ہونے والی ملاقات میں سید یوسف رضا گیلانی، سید مراد علی شاہ، سید ناصر حسین شاہ، سعید غنی، شرجیل میمن، رخسانہ بنگش و دیگر موجود تھے۔

پاکستان مسلم لیگ ن کے رہنما شاہد خاقان عباسی، مریم اورنگزیب، ایاز صادق، رانا ثناء اللّٰہ، رانا تنویر بھی عشائیے میں موجود تھے۔

مسلم لیگ ن کے سینئر رہنما خواجہ آصف،خواجہ سعد رفیق،احسن اقبال،احمد ملک عشائیے میں شریک تھے، قائد حزب اختلاف شہبازشریف نے مہمانوں کا استقبال کیا۔

دیگر جماعتوں کے رہنما امیر حیدرخان ہوتی، محسن داوڑ، اویس نورانی، حافظ عبدالکریم بھی عشائیے میں شرکت کی۔

بشکریہ جنگ