محمد حفیظ کا کراچی ٹیسٹ کی صورتحال پر تبصرہ

قومی ٹیم کے سابق کپتان محمد حفیظ نے کہا ہے کہ آسٹریلوی ٹیم نے ٹیسٹ جیتنے کے لیے جارحانہ مائنڈ سیٹ بنالیا ہے۔

محمد حفیظ نے کراچی ٹیسٹ کے تیسرے دن کے اختتام پر میچ میں آسٹریلیا کی مضبوط پوزیشن پر تبصرہ کیا۔

سابق آل راؤنڈر نے مزید کہا کہ آسٹریلوی ٹیم نے پاکستان کے خلاف تاریخی سیریز جیتنے کے لیے مائنڈ سیٹ بنایا ہوا ہے۔

پاکستان کرکٹ ٹیم کے بیٹنگ کوچ محمد یوسف نے کہا ہے کہ بڑا اسکور بن جائے تو ٹیم انڈر پریشر آجاتی ہے۔

انہوں نے کہا کہ دوسری طرف جیت کے لیے کیا حکمت عملی بنائی گئی ہے، مجھے اس کا علم نہیں ہے۔

راولپنڈی ٹیسٹ ڈرا ہونے کے بعد دوسرے ٹیسٹ میں ٹیم آسٹریلیا نے پہلی اننگز میں 556 رنز 9 وکٹ پر اننگز ڈکلیئر کردی۔

جواب میں پاکستانی ٹیم مہمان ٹیم کی بولنگ لائن کے سامنے ریت کی دیوار ثابت ہوئی اور 148رنز پر پویلین لوٹ گئی۔

آسٹریلوی ٹیم نے گرین کیپ کو فالو آن کرانے کے بجائے خود بیٹنگ کا فیصلہ کیا، تیسرے دن کے اختتام تک مہمان ٹیم نے 1 وکٹ پر 81 رنز بنائے اور پاکستان پر 489 رنز کی برتری حاصل کرلی ہے۔

بشکریہ جنگ