حکومت کی عدم اعتماد سے متعلق حکمت عملی پر مشاورت

حکومت نے اپوزیشن کی تحریک عدم اعتماد ناکام بنانے کا فیصلہ کرلیا۔

وزیراعظم عمران خان کی زیر صدارت پی ٹی آئی کی سینئر قیادت کا اجلاس ختم ہوگیا۔

ذرائع کے مطابق اجلاس میں اپوزیشن کی تحریک عدم اعتماد سے متعلق حکمت عملی پر مشاورت کی گئی۔

اجلاس میں اتفاق کیا گیا کہ حکومت ہر صورت اپوزیشن کی تحریک عدم اعتماد کو ناکا بنائے گی۔

ذرائع کے مطابق اجلاس میں دی گئی بریفنگ میں بتایا گیا کہ ناراض پارٹی ارکان سے رابطے جاری ہیں جبکہ اتحادی حکومت کے ساتھ ہیں۔

ذرائع کے مطابق عمران خان نے کہا کہ اپوزیشن کو کسی طور پر این آر او نہیں دیں گے، اپوزیشن کو عوام کی نہیں اپنے کیسز کی فکر ہے، اپوزیشن کی بلیک میلنگ میں نہیں آئیں گے۔

ذرائع کے مطابق دوران اجلاس تحریک عدم اعتماد پر قومی اسمبلی کا اجلاس بلانے پر بھی گفتگو ہوئی تاہم اس حوالے سے کوئی حتمی فیصلہ نہیں ہوسکا۔

بشکریہ جنگ