عبدالعلیم خان کے معاملے پر ترین گروپ تحفظات کا شکار

پاکستان تحریک انصاف (پی ٹی آئی) جہانگیر ترین گروپ نے علیم خان کے معاملے پر تحفظات کا اظہار کردیا۔

ذرائع کا کہنا ہے کہ ترین گروپ کے بعض ارکان نےعلیم خان کو وزیر اعلیٰ نامزد کرنے پر تحفظات کا اظہار کر دیا۔

ذرائع کا کہنا ہے کہ ترین گروپ کے بعض ارکان نے علیم خان کے حوالے سے جہانگیر ترین کو اپنے تحفظات سے آگاہ کردیا۔

ذرائع کا کہنا ہے کہ عدم اعتماد میں اپوزیشن کا ساتھ دینے پرآئندہ الیکشن میں جہانگیر ترین گروپ کے امیدوار کے خلاف امیدوار کھڑا نہیں کیا جائے گا۔

ذرائع کے مطابق گروپ کے اراکین کا کہنا ہے کہ  مشکل کی گھڑی میں ہم آپ کے ساتھ کھڑے رہے۔

ذرائع کا کہنا ہے کہ ترین گروپ کی اسپیکر پنجاب اسمبلی سے ملاقات بھی اسی تناظر میں تھی۔

اس سے قبل ترین گروپ کی اسپیکر پنجاب اسمبلی سے ملاقات میں بزدار کو ہٹانے کے معاملے پر تعاون طلب کیا گیا تھا۔

ملاقات میں سیاسی صورتحال اور پنجاب کے معاملات پر گفتگو کی گئی تھی، ملاقات میں نعمان لنگڑیال، اجمل چیمہ، عون چودھری، طاہر رندھاوا، عبدالحئی دستی اور عمران شاہ بھی شریک تھے۔

بشکریہ جنگ