جہانگیر ترین سے ملاقات کیلئے علیم خان لندن روانہ
علیم خان لندن میں موجود جہانگیر ترین سے ملاقات کیلئے اسلام آباد سے برطانیہ روانہ ہوگئے۔
ذرائع کے مطابق علیم خان لندن میں جہانگیر ترین سے موجودہ سیاسی صورتحال پر مشاورت کریں گے۔
گزشتہ روز ذرائع کے حوالے سے یہ خبر سامنے آئی تھی کہ ترین گروپ کے اہم رہنما آئندہ 2 روز میں جہانگیر ترین سے ملاقات کے لیے لندن روانہ ہو جائیں گے۔
ذرائع کے مطابق ترین گروپ کے رہنما اسحٰق خاکوانی اور عون چوہدری لندن جائیں گے جہاں وہ موجودہ سیاسی صورتِ حال پر جہانگیر ترین سے مشاورت کریں گے۔
ترین گروپ سے تعلق رکھنے والے عون چوہدری کا کہنا تھا کہ پی ٹی آئی رہنما عبدالعلیم خان بھی جہانگیر ترین سے ملاقات کے لیے لندن جائیں گے۔
ترین گروپ کے رہنما کا یہ بھی کہنا تھا کہ ملاقات میں عبدالعلیم خان اور جہانگیر ترین مشترکہ حکمتِ عملی کو حتمی شکل دیں گے۔
واضح رہے کہ جہانگیر ترین لندن میں صحتیابی کے بعد اسپتال سے گھر منتقل ہوگئے ، وہ سیاسی طور پر بھی متحرک ہوگئے ہیں۔
ذرائع کے مطابق جہانگیر ترین لندن کے نجی اسپتال میں 7 دن زیرعلاج رہے۔
جہانگیرترین 3 دن سےنواحی علاقے نیوبری میں اپنے فارم ہاؤس میں موجود ہیں، وہ مزید ایک ہفتہ لندن میں قیام کریں گے جہاں ان کی اہم ملاقاتیں متوقع ہیں۔
Comments are closed.