جاپان کا یوکرین کو بُلٹ پروف جیکٹس اور دیگر غیر جارحانہ کمک فراہم کرنے کا فیصلہ

جاپان نے یوکرین کو بُلٹ پروف جیکٹس اور دیگر غیر جارحانہ کمک فراہم کرنے کا فیصلہ کیا ہے جو جاپانی سیلف ڈیفنس فورسز کی ملکیت ہیں۔ یہ اقدام یوکرین کی درخواست پر اٹھایا گیا ہے۔

یہ فیصلہ جاپان کے وزیراعظم کیشیدا فومیو اور دیگر وزراء کے شرکت میں جمعہ کو قومی سلامتی کونسل کے اجلاس میں ہوا۔

یوکرین کو فراہم کی جانے والی اشیاء میں ہیلمٹ، سخت سرد موسم کا لباس، خیمے، کیمرے، حفظانِ صحت کی مصنوعات، ہنگامی غذائی اشیا اور پاور جنریٹر شامل ہیں۔

جاپان، اپنی سیلف ڈیفنس فورسز کی بُلٹ پروف جیکٹس پہلی بار کسی دوسرے ملک کو فراہم کرنے جا رہا ہے۔

چیف کابینہ سیکریٹری ماتسونو ہیروکازو نے نامہ نگاروں کو بتایا کہ بین الاقوامی برادری، یوکرین کی حمایت اور ردِعمل میں متحد ہے۔

انہوں نے مزید کہا کہ حکومت ایسا سامان فراہم کرنے کا کوئی ارادہ نہیں رکھتی جو کسی بھی طرح سے انسانی نقصان کا باعث بن سکتا ہو۔

بشکریہ جنگ