کراچی: 1 شخص کا گاڑی سے اتار کر قتل
کراچی میں حب ریور روڈ پر نامعلوم مسلح ملزمان نے ایک شخص کو کہیں سے لا کر گولیاں مار کر قتل کر دیا۔
حب ریور روڈ پر نامعلوم ملزمان ایک شخص کو گاڑی میں اپنے ساتھ لائے۔
ملزمان نے مذکورہ شخص کو گاڑی سے اتارا اور فائرنگ کر کے قتل کر دیا۔
مقتول کی شناخت نہیں ہو سکی ہے، لاش شناخت اور پوسٹ مارٹم کے لیے اسپتال منتقل کر دی گئی ہے۔
ادھر منگھو پیر میں گزشتہ روز واٹر بورڈ کے پانی کے ٹینک سے بچے کی ہاتھ پاؤں بندھی لاش ملی تھی۔
مذکورہ بچے کی کی ہاتھ پاؤں بندھی لاش کی تاحال شناخت نہیں ہو سکی ہے۔
پولیس کو مقتول بچے کے ورثاء کی تلاش ہے جس کی لاش پوسٹ مارٹم کے لیے اسپتال منتقل کر دی گئی ہے۔
کراچی کے علاقے سرجانی ٹاؤن سیکٹر 7D میں حسنین مسجد کے قریب نالے سے 1 شخص کی لاش برآمد ہوئی ہے جسے فائرنگ کر کے قتل کیا گیا ہے۔
ایدھی ایمبولینس کے ذریعے مذکورہ 30 سالہ نامعلوم شخص کی لاش پوسٹ مارٹم کے لیے عباسی شہید اسپتال منتقل کی گئی ہے۔
پاپوش نگر کے علاقے میں واقع گھر سے 16سال کے ایک لڑکے کی لاش ملی ہے جسے پوسٹ مارٹم کے لیے اسپتال منتقل کیا گیا ہے۔
ادھر لانڈھی کی مانسہرہ کالونی میں واقع قبرستان کے قریب ڈکیتی میں مزاحمت پر فائرنگ کے نتیجے میں 1 شخص زخمی ہو گیا جسے طبی امداد کے لیے اسپتال لے جایا گیا ہے۔
Comments are closed.