پاکستان آسٹریلیا کے میچوں میں 100 فیصد تماشائیوں کی اجازت

پاکستان آسٹریلیا کرکٹ میچز کے لیےاسٹیڈیم میں 100 فیصد شائقین میچ دیکھ سکیں گے۔

این سی او سی کی جانب سے جاری اعلامیے میں کہا گیا ہے کہ پاکستان کرکٹ بورڈ ( پی سی بی ) کو 4مارچ سے 5 اپریل تک گراؤنڈ میں 100 فیصد تماشائیوں کی اجازت ہے ۔

این سی او سی کے مطابق 12 سال اور اس سے زیادہ عمر کے مکمل طور پر ویکسین شدہ کو میچز میں شرکت کی اجازت ہے جبکہ 12 سال سے کم عمر کے بچے ویکسینیشن کے بغیر بھی میچ دیکھنے اسٹیڈیم آسکیں گے۔

این سی او سی نے انتظامیہ کو ہدایت کی ہے کہ وہ کورونا پروٹوکول کی سختی سے پابندی کو یقینی بنائیں۔

پاکستان اور آسٹریلیا کے درمیان تین میچوں پر مشتمل ٹیسٹ سیریز کا پہلا میچ 4 مارچ سے راولپنڈی میں کھیلا جائے گا ۔

دورے کے دوران تین ٹیسٹ، تین ون ڈے اور ایک ٹی ٹوئنٹی میچ کھیلا جائے گا، جو تین شہروں راولپنڈی، لاہور اور کراچی میں ہوں گے۔

بشکریہ جنگ