ورلڈکپ ’وننگ سیلفیز‘ کے بعد حاضر ہے’ضروری سیلفی‘

پاکستان کرکٹ ٹیم کے نوجوان فاسٹ بولر شاہین شاہ کی پی ایس ایل چیمپئن بننے کے بعد ٹیم کے ہمراہ سیلفی کے چرچے ہیں۔

لاہور قلندرز کے آفیشل ٹوئٹر اکاؤنٹ پر چیمپئن ٹیم کی سیلفی شیئر کی گئی اور اس کے کیپشن میں ’ضروری سیلفی‘ لکھا گیا ۔

یاد رہے کہ ٹی ٹوئنٹی ورلڈکپ میں ہر میچ میں فتح کے بعد قومی ٹیم کی سیلفی پی سی بی کی جانب سے شیئر کی جاتی تھی، جسے پرفیکٹ سیلفی کا نام دیا جاتا تھا۔

قومی کرکٹر نے پی ایس ایل میں بھی وننگ سیلفی کی روایت کو جاری رکھا اور اپنی ٹیم کے ہمراہ ’ضروری سیلفی‘ شیئر کی۔

واضح رہے کہ قذافی اسٹیڈیم لاہور میں کھیلے گئے فائنل میں لاہور قلندرز نے ملتان سلطانز کو 42 رنز سے شکست دے کر پی ایس ایل کے چیمپئن کا تاج اپنے سر پر سجالیا۔

بشکریہ جنگ